პოეზია

вторник, 12 октября 2010 г.

თუ სახრჩობელა სხვისთვის კიდია

ჭკვიან კაცს უთქვამს და ეს საკითხი
ძალაში არის ჯერაც.
ვისაც თავისი არ უგლოვია,
ნუ იგლოვებსო ჩემსას.

ასე რად გვიჭირს ადამიანებს
,,სხვისი'' დარდის და ტანჯვის გაგება ?
სხვის ტკივილს ზოგჯერ უგულოდ უმზერთ,
ზოგჯერ საერთოდ არ გვენაღვლება.

თუ სახრჩობელა ,,სხვისთვის'' კიდია
და თუ ჩვენს კისერს ის არ ეხება,
სხვისი კისრისთვის თავს არ ვიწუხებთ,
სხვისი ტკივილი ჩვენ არ გვეხება.

მაგრამ ერთხელაც ის დროც დადგება,
როცა პირადად ჩვენ შეგვეხება-----
მაშინ ის ,,სხვაც'' ჩვენ აღარ გვიდარდებს,
ჩვენი წუხილიც მას არ ეხება.

და ვცხოვრობთ ქვეყნად ასე უგულოდ.
ჩემი მას.... მისი მე არ მეხება.
ამიტომ არის ( ბოდიში მაგრამ )
ბოლოს რომ ყველას მაგრად გვერხევა.

понедельник, 6 сентября 2010 г.

გვიყვარდეს საქართველო

კუშტად შეკრული წარბით,
მჯიღად შეკრული მუშტით,
მშვილდად მოჭიმულ მკლავით,
მგლისებრ ძლიერი მუხლით,

გვჭირდება ერთად დგომა
დღეს, ვიდრე უფრო გუშინ,
რომ მტერმა ჩვენმა ცუდი,
რამ არ გაივლოს გულში.

მტკიცე მომავლის რწმენით,
ხელის ჩაბღუჯვით ძმურით,
ერთი მეორის ნდობით
გაუტეხელი სულით.

ჩვენი ღვინით და პურით,
ჩვენი ყანების ხნულით.

ვაშენოთ საქართველო !
ვადიდოთ საქართველო !
გვიყვარდეს საქართველო,
მუდამ ალალი გულით !

გ.ტვინაძე

воскресенье, 5 сентября 2010 г.

მივესალმები პაცეფისტებს

пятница, 3 сентября 2010 г.

შენს თავში უნდა იპოვო ძალა

მონად ვერ გაგხდის ქვეყნად ვერავინ,
თუ თავად არ გაქვს სული მონური.
თუკი შენს თავში იპოვე ძალა,
ვაჟკაცური და მართლაც ლომური.

მონად არავინ არ იბადება
(თუნდაც თვით მონის შთამომავალი)
შემდეგ რას იზამ, როგორ იცხოვრებ,
სწორედ ეს არის შენში მთავარი.

ყველაზე დიდ მტერს სხვაგან ნუ ეძებ,
იცოდე თვითონ თავია შენი.
მას უნდა სძლიო, მას მოერიო,
სხვა ვერ გიშველის, სხვა არ ჩანს მხსნელი.

თუკი შესძელი, შენს თავს აჯობე
და თუ დასძლიე შიშის მარწუხებს,
მერე ქვეყნად შენ ვერვინ გაჯობებს
და ვერაფერი ვერ შეგაშინებს.

გ.ტვინაძე

დარდი

დარდი მშვილდია ---
ჯერ ისარს,
შიგ გულის წვერზე დაგასობს,
მერე წვეთ-წვათად დასწურავს,
ვიდრე სისხლს მთლად არ გააშრობს.

четверг, 2 сентября 2010 г.

მსურს

მსურს ილიას ლექსს შევმატო ძალა,

მსურს მეც ,,ქვითკირის დავდგა ტაძარი''

მეც შევუშვირო ტყვიას- გულმკერდი,

მსურს, რომ მეც ვიყო მისი სადარი,

მაგრამ ოცნება, ოცნებად რჩება.

თუმცა ოცნებაც ცუდი არ არის.

თუ არ ეცადე არ მოინდომე,

დარჩები ქვეყნად მუდამ ლაჩარი.

2008

вторник, 31 августа 2010 г.

ენით დაჭრილი არ იკურნება

სიბრძნეს მრავალი თვისება ახლავს,

მათ შორის, ერთი არის დუმილი.

ზოგჯერ საჭირო არ არის, ყველას

გაუზიარო შენი წუხილი.

თავშეკავება, დინჯი პასუხი,

არის რჩეული, კაცის თვისება.

ხშირად უსიტყვო გამოხედვაშიც,

ჩანს გონიერი კაცის ღირსება.

სრულყოფილება, ჩვენგან შორს არის,

ბევრი ნაკლი გვაქვს ადამიანებს,

თუმც უსაფუძვლო ჭორი გახსოვდეთ,

ადამიანის სულს აზიანებს.

ადამიანებს ხშირად გვჩვევია,

გავაკრიტიკოთ სხვისი ბუნება,

მაგრამ ,, საბამ '' თქვა ენით დაჭრილი,

ჭრილობა თურმე არ იკურნება.

სიდარბაისლე , თავშეკავება ,

ღირსებას მატებს ადამიანებს,

ენატანია, სხვასაც კი მაგრამ

უფრო მეტად კი თავს იზიანებს.